O Langoureux esprits, Vivants en peine (Didier Lupi second)

Music files

L E G E N D

Disclaimer

How to download

ICON	SOURCE
	Pdf
	Midi
	MusicXML
	LilyPond
	File details
	Help

• (Posted 2022-06-09)  CPDL #69634:         

Editor: Andreas Stenberg (submitted 2022-06-09).   Score information: A4, 3 pages, 97 kB   Copyright: CPDL

Edition notes: A semi-diplomatic edition.

General Information

Title: O Langoureux esprits, Vivants en peine
Composer: Didier Lupi second
Lyricist: Guillaume Guéroult
Number of voices: 4vv   Voicing: SATB
Genre: Sacred, Sacred song

Language: French
Instruments: A cappella

First published: 1548 in Premier livre de chansons spirituelles, no. 11
Description: From Chansons spirituelles ... printed by N. Chemin, Paris 1559.

Original text and translations

French text

O Langoureux esprits,
    Vivants en peine,
    Pour estre trop espris
    D'une Amour vaine.
Pourquoy suyués vous tant
    Ceste Amour forte?
    Qui vous va tormentant
    De telle sorte?

2 Auecques grand' douleur
   Elle commence,
   Et puis vous rend malheur
   Pour recompense.
Vous changés liberté
   Tant precieuse,
   Pour la captiuité
   Pernicieuse.

3 Ouaués vous les yeux,
   Et la pensée?
   Pour n'ay més vous mieux
   L'auoir laisée?
Prenés de vous pitié,
   Ame espleurée,
   Aymés d'ung amytié
   Mieux asseurée.

4 Aymés ainsi que moy
   D'une amour sainte,
   Et iamais par esmoy
   Ne ferés plainte.
l'ay choisi un espoux,
   Qui a la grace
   D'estre beau dessus tous
   En cueur, et face.

5 Il a un grand desir
   De l'Amour mienne,
   Et moy plus grand plaisir
   De me voir sienne.
Il m'ayme entierement,
   Et n'est muable,
   Dont i'ay contentement
   Inestimable.

6 Si fort est le lien
   Qui nous assemble
   Que ie n'ay peur que rien
   Le des-assemble
Ausi, à brief parler,
   C'est Amour mesme,
   Laquel ne peut celler
   Sa force extreme.

7 Non ce petit mocqueur
   Qui a deux ailles,
   Et fait bransler le cueur
   Des damoyselles.
Cestuy cy est vray Dieu,
   En son essence,
   Et iamais d'aucun lieu
   Ne print naissance.

8 Pour le bien precieux
   Qu'il me pourchasse,
   Il descendit des Cieux
   En terre basse.
Qu print humaine chair,
   Forme et semblance,
   Pour de moy s'approcher,
   Par accointance.

9 Pour faire mesaccords,
   Enuers iustice,
   Il a offert son corps
   En sacrifice.
Et si m'a par sa mort
   Rendu la vie,
   Que iadis par mon tort
   Me fut rauie.

10 Il a sur le mort eu
   Plaine victoire,
   Et si a abbatu
   D'enfer la gloire.
Tant que la mort n'est plus
   Espouueutable,
   Ains se monstre aux efleus
   Tres-amyable.

11 Dont ie dis en mon chant
   Bien confortée,
   Ou est ton dard trenchant
   Mort redoutée?
O Enfer mesprisé
   Ou sont tes portes?
   Mon C H R I S T les a brisé
   De ses mains fortes.

12 Sa dure passion
   Me crucifië
   Sa resurrection
   Me viuifië.
Il m'a le Ciel acquis
   Pour heritage.
   O amant tres-exquis
   Làs quel partage?

13 Mais qui induit, ò Roy,
   Vostre exellence,
   A m'en donner octroy,
   Et iouissance?
Suis-ie, mon cher espoux,
   Trouuée digne
   Pour meriter de vous
   Faueur genigne?

14 O mon Díeu helàs non,
   Car l'ame née,
   Ne merite sinon
   D'estre damnée.
Donq' la bonté, pour voir,
   En vous enclose,
   Vous vient seule esmouuoir
   A telle chose.

15 Helàs vous monstrés bien
   Qu'à vostre zelle,
   Ne s'accompare en rien
   L'Amour mortelle,
Chantés en vòs clameurs
   Bande amoureuse,
   Que ie suis en amours
   La bien heureuse.

16 Ie n'ay point de soucy,
   Moins de tristesse:
   Mon cueur n'est point transi
   N'y en destresse.
Aymés donc comme moy
   D'une Amour sainte,
   Et iamais par esmoy
   Ne ferés plainte.